-Xe mejo un proverbio ancò che un baùco doman.
-El proverbio xe na curta sentensa costrùia so na longa esperienza.
-A fémena a xe come l’acqua santa, tanto a fa poca che tanta.
-Dopo i confeti se vede i difeti.

(sol tempo)

- San Bastiàn coe vioea in man, (N 20 de Jenaro)
-Aea vigilia de San Joani a piove tuti i ani.
-Se piove el dì dea Sensa (Assunzione) ,el contadin perde a samensa.
-Se piove el dì dea Sensa, par quaranta dì no stemo sensa.
-Sapa a viséa in agosto e te gavaré un bon mosto.
-Se piove de Santa Bibiana,piove par quaranta dì e na setimana.
-Da San Bortolo Mio, a piova pétetea sol da drio.
-Da San Bortolo Mio a rondine va con Dio ,24 Agosto
-A prima piova de agosto a rinfresca el bosco.
-A San Roco a sisìa fa el fagoto.
-Co riva e 2 Madone,tute e suche xe bone ( 15 Agosto Assunta-8 Sett. Mad del Rosario)
-Da San Matìo ogni fruto xe compìo ( 21 settembra)
-Da San Matìo el bon tempo xé finìo e el dì va indrìo.
-Da San Martin a Nadàe, ogni puaréto sta mae.
- Da San Martin, se sposa a fioea del contadin.
-Dopo i Santi fora el tabaro e anca i guanti.
-Da Nadae fredo mortae.
-San Vincenso gran fredùra,San Lorenso gran calura, l’uno e l’altro poco i dura.
-I di dea merla, l’inverno el te da na sberla.
-L’inverno el xe el boia dei veci,el purgatorio dei putéi e l’inferno dei puaréti.
-D’istà ogni beco fa late e d’inverno gnànca e vache.
-Se fa fredo seco de Jènaro,sachi pieni in tel granaro.
-Quando ch’el cù cù taca a cantar,i morari i taca a butàr.
-No sta tempestar lujo mio senò al vin ghe demo adio.
-In tempo de avento,piova,neve e vento.
-Dai Santi el formento sta ben sui campi.
-Presto in pescaria e tardi in becarìa.
-Se te vol magnàr on pesce gentìe,magna a sepia in Aprìe.
-In Aprìe a prima tonéada a sveja el bosco e a vecia indormensàda.
-Da San Bepo,buta via a mònega dal leto (19 marso)
-Sa Santa Giuliana se butta via a pessa de lana.

(e a proposito dee done)

-A fémena xe come l’acqua santa, tanto a fa poca che tanta.
-A fémena a xe come a falsa, bàterla ogni tanto e usarla sempre.
-Nose e done, no se sa quae xe bone.
-E fémene e xe sante in césa, angei in strada, diavoi in casa e civete soe finestre.
-El tempo e fémene e i siòri, i fa sempre quéo che i vol lori.
-Chi che vol jùstar e braghe coe còtoe dee fémene, i e ga sempre rote.
-Fémena sapiente no a val gnente.
-Par a compagnia se ga maridà anca el frate.
-Dove ghe xe fémane inamoràe xe inutie tegnér e porte daràe.
-Fioe da maridàr e xe fadiga da governar.
-L’omo xe el capo dea fameja e a fémena xe el colo che a fa movere el capo quando che a voe.
-Parché tre fémene vae d’acordo,bisogna che una sia viva,una sia morta e chealtra sia piturada soea porta.
-Assa che a fémena comanda in casa, cussì a te strucca e a te basa.
-A luna e a fémena e ga altre face da mostràr.
-Al ciaro de na candéa ,no se stima a fémena e gnanca a tea.
-A voérghe ben a una bea xe pecà,a voérghe ben a una bruta xe far carità.
-Vin bon e bea dona, i xe i primi che te bandòna.
-Ogni fémena a xe casta se no ghe xé quéo che gheo càssa.
-Rossa de peo,mata par l’oséo.
-Tira pì on peo de mona che on paro de boi.
-Parché a fémena sia perféta a ga d’avér 4 M: matrona in strada, modesta in césa, massaia in casa e mata in leto.
-Dopo i anta e gambe trema e e tete scampa.
-On baso tira l’altro e dopo te finissi in saea parto.
-Fintanto che e bee se varda e brute se sposa.
-Na casa sensa fémena xe come na lanterna sensa ciaro.
-No ghe xe pianta sensa fior e no ghe xe mama sensa amor.
-A béessa sensa grassia e xe come na disgràssia.
-I libri, e fémene e i cavài no i se impresta mai.
-El segreto dee fémene no lo sa nessun, mi e vù e el resto del comùn.
-L’amor fa passar el tempo e el tempo el fa passàr l’amor.
-On amor sensa baruffa presto el fa a muffa.
-La dona va ben che a piasa, che a tasa e che a stae in casa.
-Cavaeo bianco e bea mojer , i te da sempre un pensier.
-Chi porta a fémena a tute e feste,el cavaeo a bere so ogni fontana,aea fine de l’ano el gavarà el cavaeo bolso e a fémena putana.
-Tre laguassi fa na piova,tre piove fa na brentana,tre festini fa na putana.
-E xe tre e robe che no se pol fare: far tasér e fémene,far corere i veci e tegnér fermi i putéi.
-Amor novo , el va e el vien, amor vecio el se mantien.
-Amor del vecio el sa da scaldaletto.
-A beessa xe come un fiore,presto a nasse e presto a more.
-El cor dee done el xe come on meon, a qualcun e ghin da na feta,a qualcun altro un bocòn.
-Col fogo,co a fémena e col mar,ghe xe poco da schersàr.
-Fèmena bona, bea e cara a xe na roba cara.
-Chi ga na bea fémena el ga anca tanti amissi.
-Par amor anca na fémena onesta pol perdare a testa.
-Pan padovàn , vin visentìn, trippe trevisane e femene venessiane.
-Na brava fémena co l’ago e na peséta a se tien neta a so caséta.
-Na fémena butàda a porta pi peso de on paéo in pìe.
-Anca a gaìna vécia vol el gaéto zovane.
-Co te ghe fémene bee, cresse i corni.
-Na fémena bea in natura e xe larga de spàea e stréta de sentùra.
-A fémena a xe come l’onda,o a te soéva o a te fonda.
-I omini i ga i ani che i sente e fémene quei che i mostra.
-Cor de mama,cor che no ingana.
-E tose zòvane e o desidera,quee maridàe lo prova,quee vedove e se o ricorda.
-Fémena tuta trucada, tardi a va fora e tardi a torna.
-E fémene e dixe sempre el vero ma no e o dixe par intero.
-E fémane e taxe queo che no e sa.
-E fémane e ga quatro maeatìe ogni ano e par tre misi dura ogni maeàno.
-Drio on gran omo de segùro ghe xe na brava fémena.

(so come va el mondo)

-Davanti a on prete, on dotòr e un capitéo, cavate sempre el capéo.
-L’amigo del prete el perde a reigion,l’amigo del dotòr el perde a saeute e l’amigo dell’ avocato perde a causa.
-Vardate dal prete, dal contadìn, daea comare vissìn e da l’acqua par confìn.
-Pan, sopressa, vin e compagnia e xe robe che fa alegrìa.
-No farte capo dea compagnia parché dopo te si quéo che paga in ostaria.
-El café el xe bon se el xe sentàto, scotàto e scrocàto.
-Parché l’amicissia a se mantegna bisogna che na sporta a vaga e una végna.
-L’avaro el xe come on porco,el xe bon sòeo dopo ch’el xe morto.
-L’avaro immùcia col suòr e ghe tocca assàr co doeòr.
-Chi che ga inventà el vin, se nol xé in paradiso,el xe la vissìn.
-Un goto de vin fa ben,do no fa mae,queo che te rovina xe sempre el bocàe.
-O de strame o de fen, el stomégo ga da essér pien.
-Chi va in leto sensa séna, tuta a note el se raména.
-Da l’amigo e dal parente, no sta mai compràr gnente.
-Dopo i conféti a se vede i diféti.
-A vechiaia, i debiti e a morte, no i bate mai e porte.
-Quando el pare fa carnevae, i fioi fa quaresima.
-A giustìssia a xe a forsa de on Re, a furbissia a xe a forsa de na fémena, l’ orgoglio a xe a forsa de un mato, a spada a xe a forsa de on bandito, l’umiltà a xe a forsa de on saggio, e lagrìmee xe a forsa de un putéo, l’amor de l’omo e de na femena a xe a forsa del mondo.
-Quando che ghemo a salute e libertà, a semo siòri e no se o sa.
-Sensa denti no se fa el sorriso e sensa Santi no se va in Paradiso.
-I schéi no i ga mia e gambe, però i corre instèsso.
-Aver debiti e no pagarli a xe come no averli.
-Par voèr saér tuto se sa anca da mona.
-A robàr poco se va in gaéra e a ròbar tanto se fa cariéra.
-Chi che grata a rogna dei altri i rinfresca a soa.
-Chi che nasse inòro a un fosso el sa sempre da freschìn.
-Chi no sa ridere no sa vivere.
-Co no ghe xe pì i gàmbari a xe bone anca e sàte.
-El pco basta, el massa guasta.
-El saggio nol sa gnénte,el sapiente sa poco, l’ignorante sa massa, ma el mona sa tuto.
-A boca a se liga soeo ai sachi.
-A pigrissia a va tanto pian che a miseria la ciapa.
-E tre robe par farse siori: o robàr, o trovàr,o reditàr.
-Magnàre,grattàre e mormoràre basta scomissiàre.
-A magnàr massa puìna tanto tempo no se camìna.
-No ghe xe nessun riposo che stràcca.
-Scòlta e desméntega,varda e tasi,fai e sai.
-Far schéi a xe come scavàr na busa con un ago,spenderli a xe come ravéssar na sécia de acqua soa sabia.
-Coi schéi te adorni a casa e coa virtù a te adorni a persona.
-L’omo che sar parlàr puìto nol vae quanto queo ch’el sa scòltar co atensiòn.
-A lavarghe a testa a un musso se perde l’acqua e anca el saòn.
-Batèr nose,spaeàr a neve e copàr a gente i xe tre laòri che no serve gnènte.
-Ogni putéo el riva col so fagotto.
-Piutosto de on funeràe col soe xe mejo on matrimonio coa piova.
-A viajàre se se descànta, ma chi parte mona el torna mona.
-Anca a cosiensa a fa el so càeo.
-Ogni culo el ga el so cagàr.
Oci e léngua e xe le spie de tante malatie.
-Schéi, poderi e campi e na bea còa davanti.
-A far carità no se va in miseria.
-Quando che se baràta, uno ride e chealtro el se grata.
-Pesa giusto e vindi caro.
-Primo sparagno, primo guadagno.
-Chi sparàgna a gata magna.
-Compare de anéo, primo putèo.
-Formajo, pan bianco e vin puro i te fa vegnér l’oséo duro.
-Se te fe del ben desménteghete,se te fe el mae pénseghe.
-Se coi schéi no te si contento, figurate se te si sensa.
-Chi no sua da zovane el digiunerà da vecio.
-Se da zòvane te si osioso da vécio te saré bisognoso.
-Matrimonio improviso, o inferno o paradiso.
-El caldo dei nissùi no fa bòjere a pignàta.
-I amanti e i caciàturi,par on piasér mille doéori.
-Guere, peste e carestia e va sempre in compagnia.
-A fame a xe el mejo condimento.
-Se te fe l’onesto el Signor farà el resto.
-E opiniòn xe come e bae,ognuno ga e sue.
-El Signor ne ga dato do réce e na boca proprìo par scoltàr el dopio e parlar metà.
-El fruto dea pase el xe picà so l’albaro del siensio.
-Onor de boca, poco el vae e manco el costa.
-No te saré amà se a ti soeo te ghe pensà.
-Se chi che te ghe davanti el te onde da drio ae spàe el te spùncia.
-Man caéosa, man gloriosa.
-A beessa sensa grassia a xe come na disgrassia.
-Se mai te scomissi mai te finissi.
-E visite pì bee e xe quee pì curte.
-No spendere tuto queo che se ga e no dir tuto queo che se sa.
-Xe mejio essere paròn de on campo che essere fituàe de na campagna.
-Chi che ga na vachéta el ga na boteghéta.
-Dai sc’iopi stàghe dadrìo, dai cavài staghe davanti e dai mati staghe distante.
-Dove no ghe xe cavài anca i mussi trota.
-A boca no a xe mai stràca se no a sa da vaca.
-Chi che compra el sovrapì el vende queo che xe necessario.
-A paura de no essere in grado de far puìto a te fa alsàr de on scaìn.
-Par essere pestài bisogna essere in tera.
-I schéi i fa véder anca ai orbi e i fa vénder el breviario ai preti.
-Un doeòr condiviso el xe un doeòr smezà, na gioia condivisa a xe na gioia rado pià.
-I amissi i ga da essér come i schéi, no i ga da essér falsi.
-Chi no vol credere no basta mille testimoni.
-Al tempo, al cùeo e ai paroni no se ghe comanda.
-Amor de vilegiatura, tanto tempo nol dura.
-Quando che se xe rivài aea gloria sparisse anca a memoria.
-Chi che ga l’amaro dentro nol pol sputàr dolse.
-Chi che ga partà a tònega el spussa sempre da frate.
-A farse a barba se sta ben on dì, a sposarse se sta ben on mese, a copàr el mas’cio se sta ben on ano.
-Chi vol provàr e pene de l’inferno el fàe el cògo d’istà e el muradòr d’inverno.
-No xe siòr queo che posiede ma chi ga manco bisogno.
-Quando che el tuto el xe de tuti, i tempi sarà bruti.
-Tra el ciapàr e assàr , bisogna ben pensàr.
-El cafòn e el viàn i discute sempre coe man.
-Co e lagrime e i lamenti, no se cura el mal de denti.
-Impara dal passà, credi so quel che ga da vegnér e vivi el dì de anquò.
-El vin el rende lieti, però el te fa sveàr i segreti.
-Sorìdeghe a tuti quanti, no dadrìo ma davanti.
-A gioventù xe come na sventàda, te te ricordi quando a xe passàda.
-El ben bisogna sercàrlo, el mae basta spetàrlo.
-De gadìa,de pin o de nose, tuti gavémo a nostra crose.
-El proverbio xe na curta sentensa costruìa so na longa esperiensa.
-Poco e sempre xe mejo de gnénte.
-Nessun da soéo sa mai abastansa.
-I vissi dei altri i ghemo sempre davanti ai oci, i nostri da drio ae spàe.
-El scarparo no giudiche pì vanti de a scarpa.
-Co i schéi e amicissia se méte in scarséa a justissia.
-A razòn dei poaréti a xe sempre piena de diféti.
-Par saér a verità bisogna scoltàr do busiàri.
-Chi che se sveja col gàeo el ga da magnàr sensa fàeo.
-Chi pensa de vinsére al loto,non magna ne crùo e ne còto.
-Arana lessa e bìgoeo tondo alla sera a rabalta el mondo.
-Par stàno che vien, chi ga i prai sega el fen.
-Zoba entrada setimana andada, perà chi no ga gnente da magnàr el ga tre dì da pensàr.
-Co te nomini un can el xe tre passi lontàn.
-Fin che a lana paga a montagna.
-Contadin : scarpe grosse e servéo fin.
-Ciuciàr caenàssi xe come dir tirar cinghia.
-Se a séna no a dìsna.
-El proverbio xe na sentensa curta costruìa so na longa esperienza.
-Xe mejo on proverbio ancò che un baùco doman.
-A fame vien magnando e a fede vien pregando.
-Lagrima de frate,suòr de stradìn,no i ga mai bagnà el scaìn.
-A xe e bronse querte quee che scota.
-Chi ga el sùcaro in boca el ga el veen sconto.
-Conséjate da un vecio e fate jùtar da un zòvane.
-Tuto va e vien ma xe el gnente che se mantìen.
-Signor fa che no sia beco,se ghe son,fa che no lo sàpia,se o so, fa che no ghe bada.
-I popoi se massa e i Re se imbrassa.
-No sta cipàr consigli da zente che xe andài in maeòra.
-Chi va par el mondo tuto el vede,queo che sta sempre in casa nol ghe crede.
-Frùa a baréta quel che se a cava par tuti.
-Sensa spie no se ciàpa i ladri.
-Se te ghe bisogno de qualcun va da un poaréto.
-El xe restà in braghe de tea.
-On bon avocato el fa passàr par can anca on gato.
-I sorzi e i frati i xe i ultimi a morir de fame.
-Basta esser un mona par esser superbo.
-Uno che ga l’ocio da pesse lesso o el xe inamorà o el xe fesso.
-In amor se se ne intende pì a palpàe che a paroe.
-Xe pezo el tacòn del sbrégo.
-Botéga de cantòn fa schéi anca un cojon.
-Co e ciàcoe no se impasta e frìtoe.
-A sete ani putéi a setanta ancora quei.
-Ogni drito el ga el so ravérso.
-I schéi ciapài suàndo no i se spende bevendo e magnando.
El tempo el xe sta da maridàre proprio par no farse comandare.
-Aver un brasso curto e uno longo ( poca voja de lavorar)
-El ga un gran de pévaro sol cùeo ( el xe impassiente)
-Mai mostrar el cùeo par na sarésa.
-Rifarse el beco ( gustar calcòssa de bon)
-No xe tuto oro queo che slùsega ma anca queo che no slùsega pol vaér oro.
-A gaìna che camina de seguro a torna col goso pien.
-Prima che un grasso se smagrisse un magro crepa.
-Sbaglio de dotor,volontà de Dio.
-Chi no ga cor par e bestie nol ga cor gnànca par e persone.
-Da putèi tuti bei, da sposi tuti siori, da morti tuti boni.
-Uno soéo nol sta ben gnanca in paradiso.
-I siùri i ga el paradiso de qua e queo par la i se lo compra.
-Chi ga schèi i ga sempre razòn.
-Sol comercio e sui afari chi xe sensa cosiénsa i fa i denari.
-Na bona fama a sconde el vìssio.
-A jachéta neta no a xe de un bon cogo.
-Ciàpa el bon quando che el vien e el mae col te toca.
-Baso dato par forsa nol vae na scorsa.
-Baso nol fa buso ma xe a strada par catàrlo.
-Ne amor e ne signorìa i vol a compagnìa.
-Provando se fa,faséndo se impara.
-Val pì uno che fa che sento a comandare.
-Impara prima a servìr se te vol comandar.
-Chi sa scoltar sa anca comandar.
-Val pì on ora de alegria che sento de mainconia.
-Tuti xe paroni de pensarla a so modo.
-Chi varda al cieo resta orbo,chi varda in tera el cata el soldo.
-Xe mejo caminar co on orbo che parlar co on sordo.
-Do busìe e fa na verità.
-A pignàta del comun no boje mai.
-Ovo de un’ora,pan de un dì,vin de un ano,no i ga mai fato dano.
-Un omo sensa sae non fa del ben ma gnanca del mae.
-Onestà e gentiessa e vae pì dea beéssa.
-Sento chìi de pensieri no i te cava un gramo de debiti.
-Cusina grassa, testamento magro..
-A vita xe na gara, sbagliando se impara.
-Co te si rivà in sima,ricordate dove te jeri prima.
-Pi se sgiònfa el tacuìn,pì se strénde el cor.
-A tanta roba, roba l’anima.
-Tanti schei, tanti pensieri
-Fortunai quei animài che no lese i giornài.
-E paròe te fa mòvere ma i esempi i te strassìna.
-Massa confidenza a toe a riverensa.
-Vòeghe ben a chi te vol ben,e rispondeghe a chi te ciama.
-A fortuna come a riva a va anca via.
-Xe mejo fàrghine una de scampòn che sento sol pajon.
-Cagàr duro e pissàr ciaro,te ghe o miti…al dotor e anca al spissiàro.